MATERIAL BIBLIOGRÁFICO SOBRE “ARTE NA MACIÑEIRA”

LEMBRÁMOSVOS QUE NO MOBLE DO VESTÍBULO  ESTÁ A EXPOSICIÓN DE LIBROS SOBRE “ARTE NA MACIÑEIRA”, O PROXECTO DESTE ANO DA BIBLIOTECA. ESTE MATERIAL ESTÁ ESPERANDO POR VÓS PARA QUE O LEVEDES EN EMPRÉSTITO!

CONTACONTOS DO COCIÑEIRO MARTIÑO

UN ANO MÁIS IAGO LÓPEZ VISITOUNOS PARA CONTARNOS O SEU NOVO CONTO ”COCIÑEIRO MARTIÑO E AS CENORIAS DESAPARECIDAS”. O SEU PÚBLICO FORON OS NENOS E NENAS DE EDUCACIÓN INFANTIL, 1º, 2º E 3º DE EP. ALGÚNS NENOS PARTICIPARON AXUNDÁNDOLLE A CONTAR ESTA HISTORIA. RÍMONOS E GUSTOUNOS MOITO COMA SEMPRE!

CLUB DE LECTURA

OS ALUMNOS DE 5º E 6º DE EP PARTICIPAN NO CLUB DE LECTURA DO QUE REALIZAMOS A PRIMEIRA XUNTANZA. A METADE LEU “MAMÁ, QUERO SER ZIGGY STARDUST”, E A OUTRA METADE “DIARIO DE GREG VOLANDO VOY”. NO CLUB CADA UN CONTOU A SÚA OPINIÓN SOBRE A LECTURA QUE LLE TOCOU E PUXERON EN COMÚN AS SÚAS IMPRESIÓNS.

CONTACONTOS KALANDRAKA

RECIBIMOS A VISITA DUNHA PARELLA DE CONTACONTOS CON ACOMPAÑAMENTO MUSICAL DE DIFERENTES INSTRUMENTOS. OS NENOS E NENAS DE EDUCACIÓN INFANTIL, 1º E 2º DE EP QUEDARON ENCANTADOS!

BO ANO 2019!

ESTE ANO TODAS AS CLASES ILUSTRAMOS O NOVO CALENDARIO CON OBRAS DE DIFERENTES PINTORES, XA QUE ESTAMOS A DESENVOLVER UN PROXECTO SOBRE ARTE DENDE A BIBLIOTECA. BO ANO 2019!!

CONTACONTOS

DENTRO DA CAMPAÑA DE FOMENTO DA LECTURA, ANIMAMOS ÁS FAMILIAS E ALUMNADO DE CURSOS SUPERIORES A REALIZAR SESIÓNS DE CONTACONTOS PARA OS MÁIS PEQUENOS. AQUÍ TEDES EXEMPLOS DESTAS ACTIVIDADES QUE TANTO LLES GUSTAN AOS ALUMNOS E ALUMNAS DE INFANTIL.

DÍA DA DISCAPACIDADE

PARA ESTA OCASIÓN RECIBIMOS A VISITA DE PERSOAL DA ASOCIACIÓN DE XORDOS POR MEDIACIÓN DA FUNDACIÓN ONCE. REALIZARON UN TALLER CON ENTRETIDAS ACTIVIDADES ADAPTADAS ÁS DIFERENTES IDADES DO NOSO ALUMNADO: ENSINÁRONNOS O ALFABETO DACTILOLÓXICO, OS NOMES DAS CORES, DE ANIMAIS, SAÚDOS E CORTESÍA…APRENDIMOS COUSAS DA LINGUA DE XORDOS DE XEITO DIVERTIDO!