A nosa horta está moi viva

Ao chegar do verán, pensábamos que a nosa horta estaría botada a perder, pero a natureza dounos unha nova lección, xa que as plantas seguiron o seu curso natural e estaban agardando por nós para recoller as súas sementes.

Unha explosión de natureza agardando a ser recolectada para que puidésemos observar o fin dos ciclos vitais das plantas e como se vai abrindo o noso invernadoiro á biodiversidade.

En primeiro lugar démoslle un toque de orde e limpeza ao alpendre da horta: colocamos ferramentas e deixamos ben ordeadas as bandexas dos semilleiros para comezar un novo ciclo.

Tamén incorporamos materia orgánica no noso macrohotel de bichos ao redor do invernadoiro e comprobamos se algunha especie nova de insecto quíxose sumar á festa da biodiversidade.

Despois comezamos a recoller sementes: leitugas, acelgas, tomates e tomates cherry, porros e sumamos as que trouxo o alumnado das súas hortas: grelos, aromáticas, cenouras, chícharos, pementos...

Tamén podamos o seco e retiramos as plantas que non nos interesan.

Plantamos un aguacate con sementes de faballóns e chícharos, ambos fixadores de nitróxeno e xuntamos follas como de tres invernos para protexer a zona de plantación do aguacate.

E coma sempre, Peibol deixoinos tarefas para a súa próxima visita:

• Investigar a duración do ciclo de vida do escornabois.
• Contabilizar sementes de flores de leitugas e porros para saber cantas entrarían en 100g. e moitas outras voltas máis coas matemáticas. 
• E facer semilleiros por grupos para que cada grupo teña plantel de todas as especies que colleitamos nos seus bancais.

Temos traballo na nosa horta! Na próxima visita veremos que conseguimos, faremos algunha actuación no noso macrohotel de bichos e prepararemos os bancais para a plantación do inverno.

Isto é vida!!!