Onte e hoxe o alumnado de 5º e 6º de Educación Primaria fixo un obradoiro de formación en Radio na Biblio da man de Pablo, de Rede Espora.
Despois de recibir unhas cantas nocións teóricas sobre a radio, os seus elementos, os programas que podemos empregar e diferentes consellos, puidemos practicar, por equipos, e gravar os nosos propios programas de radio.
Despois dun traballo previo, redactando as nosas escaletas na aula, puxémonos na pel de locutores e técnicos de son para gravar os podcast.
Gustounos moitísimo este obradoiro e non paramos de pensar as inmensas posibilidades que a radio nos pode abrir na escola. Estamos desexando comezar e facer que a radio da Biblioteca de Macín sexa unha realidade!
Ningún comentario:
Publicar un comentario