Superheroes e Superheroínas pola Igualdade, no 25N.

Hoxe, 25N, Día Internacional da eliminación da violencia contra a muller, o noso cole encheuse de superheroes e superheroínas do bo trato. Reunímosnos na entrada da escola para celebrar un acto reivindicativo na que recordamos a importancia do bo trato no que participaron todas as aulas e no que as nosas compañeiras e compañeiros de 5º e 6º de Primaria léronnos un manifesto pola igualdade e a non violencia, que dicía así:

"Os superheroes e superheroínas do CEIP de Maciñeira en Neda vimos con moita forza para fomentar a igualdade entre os nenos e as nenas. Estamos aquí para animarvos a utilizar os vosos superpoderes contra a violencia de xénero. 

Porque, sabedes que vós tamén tedes superpoderes? Ímos lembrarvos cales son:

EMPATÍA: Porque somos capaces de escoitar aos demais, poñernos no seu lugar e darnos conta de que nos necesitan.

XUSTIZA: Porque sempre estamos dispostos a ser xustos e xustas para resolver problemas e mellorar a vida de nenos e nenas do mundo enteiro.

LIBERDADE: Porque somos capaces de elexir e deixar que os demais tamén o fagan.

EDUCACIÓN: Porque coa educación os nenos e nenas aprendemos a colaborar e podemos facer xuntos e xuntas, cousas superinteresantes.

TOLERANCIA: Porque sabemos que as persoas somos todas distintas e nos acostumamos a querernos e vivir xuntas coas nosas diferenzas.

RESPECTO: Porque tratamos a todos os nenos e nenas como as persoas valiosas que son.

IGUALDADE: Porque tratamos aos nenos e nenas de igual xeito. Por todo isto:

VIVE EN IGUALDADE! 

VIVE SEN VIOLENCIA!"