Grazas ao Concello de Neda, celebramos ao longo desta semana o Día das Bibliotecas ao grande, grazas ao programa “Do cole á biblio”. Esta iniciativa incluiu tres espectáculos para todos os escolares do concello e desenvolveuse co apoio do programa “Ler conta moito” da Rede de bibliotecas públicas de Galicia.
O martes 22, foi a quenda do alumnado de infantil, quen gozou movendo o esquelete con Paco Nogueiras e o seu “Brinca vai. De aquí a acolá”.
E finalmente, o mércores 23 o alumnado de 1º, 2º e 3º de primaria saboreu unha chea de “Contos de lobo”, unha proposta teatral interactiva de Ghazafelhos, cun toque de maxia e de circo.
E con todas estas propostas, nas que a B.E. sae a escena, puidemos gozar da nosa cultura grazas ao Concello de Neda e a Rede de Bibliotecas de Galicia. Foi unha semana fantástica!
