O día da Candeloria: cando os paxariños casan.

O Día da Candeloria marca na tradición popular galega un momento simbólico do ano: dise que “cando a Candeloria chora, o inverno vai fóra; e cando ri, o inverno está por vir”. 

É unha festa ligada á luz, á natureza e aos sinais que nos dan os animais, especialmente os paxariños, para anunciar a chegada da primavera.

Por eiquí vos deixamos un poema de Antón Cortizas, do seu libro Zoonetos, cheo de paxariños. Cantos coñecedes?

Papuxas, picafollas, estreliñas,

bubelas, pardeliñas, lavandeiras,

vencellos, subesubes, liñaceiras,

fulepas, papamoscas, andoriñas,

carrizos, petos, xílgaros, pimpíns,

curroxos, pegas, tordos, cardeais,

chaschás, chincas, noitébregas, pardais,

folosas, rousinois, cucos, xiríns,

lavercas, cotovías, verderolos,

pardillos, azulentas, bacachises,

martiños, anduróns, gaios, ouriolos,

peizoques, picaxuncos, estorninos,

piquelos, lavacús, merlos, malvises…

Quen quere entrar no amor aos paxariños?