E chegou o entroido no cole, e celebrámolo cunha gran festa con desfile incluído. A mágoa foi que por culpa do mal tempo o desfile tivo que ser no patio cuberto e non puidemos compartilo coas familias coma tanto nos gusta. Aínda así, enchimos a escola de cores e moita troula.
Este ano, tocou a temática dos xogos. Estádes listos para xogar ás adiviñas entroideiras??? Alá imos!
Catro cores esperan para poder saír,
tiro o dado e empezo o camiño a seguir.
Se caio nunha casa, teño que volver atrás:
que xogo será este de correr sen parar?
As fichas do Parchís, de Educación Infantil!
Nun cadradiño tres por tres vou debuxar,
círculos e cruces queren gañar.
En liña, columna ou diagonal,
que xogo será este tan simple e xenial?
Os Tres en raia, de primeiro!
Pequenas boliñas queren medrar,
choca, xúntanse e volven saltar.
Apunta con tino para facer montón,
que xogo é este de pelusas en acción?
As Pelusas, de segundo!
Nun labirinto amarelo vou rodar,
como puntiños sen parar de andar,
unhas pantasmas quérenme pillar,
se collo a boliña... que vai escapar?
O Pacman e as súas pantasmas, de terceiro!
En casiñas con caras póñome a mirar,
se leva gafas, bigote ou é rubio ao falar.
Pregunto, descarto, achégome ao final:
quen será o personaxe? Imos adiviñar.
O Quen e quen?, de cuarto!
Teño corazóns, pero non sinto,
teño diamantes, pero non minto,
picas para xogar e trevos no lugar,
preparados para xogar? Quen son?
As cartas do Póker, de quinto!
Caen pezas do ceo sen parar de bailar,
encaixo, xiro e penso onde as vou colocar.
Se fago unha liña, desaparece ao instante:
que xogo será este tan rápido e vibrante?
O Tetris, de sexto!
Como cada ano temos que darlle as grazas á nosa ANPA molona que convidounos a unha rica merenda de doces tradicionais: orellas, filloas e rosquiñas a fartar!!!
Que viva o entroido!!!!
Ningún comentario:
Publicar un comentario